شروط صاحب منتدى معصب

--------------------------------------------------------------------------------

لقد تغيرت شروط التسجيل في المنتدى ....وتم تغيير مسمى المنتدى لتواكب مرحلة ما بعد الحرب الباردة


اعرفوا الشروط زين....وافهموها....واللي ما يبي هالشروط جعل اصابعه اللي طقت على الكيبورد الكسر...ولو ما عليه كلافه يطق راسه باقرب جدار....حنا ما نلعب....واللي يبينا حياه الله بيننا....فهمتوا. بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي...


1- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس... قايلكم حنا ما نلعب


2- اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وابرقي فيه على ارتفاع 50000 الف قدم وبرضخ به على خوص نخله...علشان ما يعود لها. قايلكم حنا ما نلعب


3- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا ولا افهمكم...


4- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...صح ولا ماهو صح...قولوا صح لابارك الله بالساعه اللي جمعت هالخشش فيها...واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...ساحتنا وحنا حرين فيها


5- اللي بيسجل باسماء قبايل وعوايل...ولا مخله بالادب....هذا بنوديه لا اقرب شيخ وبنكويه من علبااااه..وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول....اشهد ان الددسن سياره... قايلكم ما نلعب...

6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما يبي....

ملاحظه......

اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه هذولي بنخلي خششهم كلمات متقاطعه يصعب حلها.....والله ما يضرب بعصا يا سرع طيحتهم

موافق.................

غير موافق...............


واللي فيه خير يكتب غير موافق.......


ههههههههه وخروا عنه ...


أتمنى مايكون مكرر....منقووووول



مع خالص حبـــــــــــــــــــــي للجميع

لا تقولين ب ر د و ش ت ا ء

هههههههههههههههههههههههههههههههههههههههههههه
ههههههههههههههههههههههههههههههههه

وجع اثنينكم
هههههههههههههههههههه
انا لو عضو جديد وابي اسجل واشوف مثل هالشروط عمر ابوه ماقام منتدى
واااااااااااااااااااااااااااااااو
هذي مو شروط هذا حلبة مصارعه
تسلم يدينك صمت السنين
رائع ماطرحتي
تقبلي مروري

اي والله حلبة مصارعه

تحسين صاحب المنتدى كان طالع من هوشه ومابرد حرته لسى خخخخخخ

يعطيك العافيه حبوبه

تحيتي لك

الأبله ساره


منوووره ...ولو ..أكيد مو برد وشتاء ههههههههه

تحياتي وتقديري

برد وشتاء


الرووووعه هي تشريفك صفحتي ...

بس لايجي في بالك يوم تحط لنا هالشروط

ياساتر والله ينخاف منك عصبـــــــــي


لك تقديري واحترامي



حناني


هلا بك ..وشااكره مرورك وطلتك الحلوه


تحياتي وتقديري

كله منك سويره شوفي صمت السنين وشتقول عني
عاجبك كذا ؟
في ذمتك انا عصبي ؟
وبعدين حتى لو عصبي مستحيل
هذي مو شروط هذي كأن صاحب المنتدى يقول ياإما انكم ماتسجلون او انكم ماتسجلون

اضحك الله سنك صمت السنين مثل ماادخلتي البهجه الى نفوسنا
دمتي بود