[ كــــــــان] لكـ ~قلبي~ "مدينه" ولاحظ إني قلت : كــــــــــــــــــــــــان!!

الحلا · 02-24-2008, 03:14 PM

ما تغيَّر شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه

[ كان ]
لك قلبي
" مدينه "
ولاحظ إني قلت :
كان !
يعني إنتَ الحين واحد خارج حدود [ المدينه ]

ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه

ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه

والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟

جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه

يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !

[ عزِّتي ].. ما هي جديده آنا شامخ من زمان
إغسل إيدك من رجوعي وروح يا إبن اللذينه

طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه

تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه

كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه

كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه

في عيون الناس عادي بس في عيني جنـان
وكان قلبي من يشوفك تفضحه نظـرة حنينـه

ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه

عجبتنـــــــي بالحيييييييييل وحبيت تشاااااركونـــــــي......

........................ملطووووشه................. .

قايد الشواهين · 02-24-2008, 08:28 PM

جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه

بصراحه يا الحلا ابداع غير طبيعي ما اقول الا ماشاء الله والله يستر علينا من ابداعاتك الغير منتهيه ودمتي في حفظ الكريم

:174::174::174::174:

برد وشتاء · 02-24-2008, 08:46 PM

القصيده كمعنى روعه ومعبره
ولكن الشاعر خانته بعض الالفاظ التي لم يكن مجبورا على استخدامها خصوصا وانه محب واحنا نعرف ان اللي يحب بعمره مايكره مثل كلمة ابن اللذين صراحه اشوفها ومن وجهة نظر شخصيه انها اساءت لنرجسية المحب وعفويته وعذوبة احاسيسه
تسلم يدينك الحلا على لطشاتك الاحترافيه
كمان حلا وزياده
لاهنتي وبانتظار جديدك

أحلى شماليه · 02-24-2008, 09:11 PM

روعه .. انا بعد اعجبتني

الحلا ..
كل موضوع يحمل بصمتك
تأكدي انه سيعجبنا ..

دائماً رائعه ..
مودتي

الحلا · 02-24-2008, 11:40 PM

اقتباس

المشاركة الأصلية كتبت بواسطة قايد الشواهين


	جاي تسأل عن مكانك !! هو بقى فيني مكان ؟ الله يرحمها المشاعر اللي كانت لـك رهينـه بصراحه يا الحلا ابداع غير طبيعي ما اقول الا ماشاء الله والله يستر علينا من ابداعاتك الغير منتهيه ودمتي في حفظ الكريم :174::174::174::174:

الإبداع بمرورك وردك العطر
إبداعاتي زي ما تقول نابعه من توهج البحر الحنون ما تضر
سلمت يداك على روعة ما كتبت
دمت بخير

الحلا · 02-24-2008, 11:43 PM

اقتباس

المشاركة الأصلية كتبت بواسطة برد وشتاء


	القصيده كمعنى روعه ومعبره ولكن الشاعر خانته بعض الالفاظ التي لم يكن مجبورا على استخدامها خصوصا وانه محب واحنا نعرف ان اللي يحب بعمره مايكره مثل كلمة ابن اللذين صراحه اشوفها ومن وجهة نظر شخصيه انها اساءت لنرجسية المحب وعفويته وعذوبة احاسيسه تسلم يدينك الحلا على لطشاتك الاحترافيه كمان حلا وزياده لاهنتي وبانتظار جديدك

فعلاً أنا برضو ما اعجبتني ولاحظتها بس ما نحرم أنفسنا من روعة أبياتها المتبقيه
هزت بمعنى ومحتوى القصيده
الطش المحترف كان نتيجة مروركم وردودكم العطره
كانت دافع لجلب المزيد من روائع الشعر
سلمت يداك على روعة ما كتبت
دمت بود

الحلا · 02-24-2008, 11:47 PM

اقتباس


العام	روان	انسانة في الحياة